
大寶伏藏TD1672སྲུང་འཁོར་བརྒྱ་རྩ་པ་བཞུགས་སོ༔ ལས་སྣ་ཚོགས། གཏིང་རྫོགས།
42-35-1a
༄༅། །སྲུང་འཁོར་བརྒྱ་རྩ་པ་བཞུགས་སོ༔ ལས་སྣ་ཚོགས། གཏིང་རྫོགས།
༄། །གཙུག་ལག་གཏོ་བཅོས་རྒྱ་ནག་གཏིང་རྫོགས་སུ་གྲགས། རྩ་བ།
༁ྃ༔ སྲུང་འཁོར་བརྒྱ་རྩ་པ་བཞུགས་སོ༔ གཙུག་ལག་གཏོ་བཅོས་རྒྱ་ནག་གཏིང་རྫོགས་སུ་གྲགས། 
42-35-1b
ན་མོ་མཉྫུ་ཤྲཱི༔ འཕགས་པ་འཇམ་དཔལ་ལ་ཕྱག་འཚལ་ལོ༔ སྣ་ནམ་འབྲོག་པ་ཐུབ་རྒྱལ་གྱིས༔ དབུས་ཀྱི་བསམ་ཡས་ཀྱི་མཆོད་རྟེན་དམར་པོའི་ནང་ནས༔ སྲུང་འཁོར་བརྒྱ་པ་གཏེར་ནས་བཏོན་པ་ལགས་སོ༔ གཙུག་ལག་རྒྱའི་གཏོ་ཆོག་འཁོར་ལོ་གཏིང་རྫོགས་ལས་འཁོར་ལོ་བརྒྱ་ཐམ་པ་ཡོད་དེ༔ དེ་ལ་དང་པོ་ལས་ཀ་གང་བྱེད་ཀྱང་ཕན་བྱེད་ལྷའི་འཁོར་ལོ་ཞེས་བྱ་བ་སྙིང་པོ་གསུམ་གྱི་འཁོར་ལོ་འདི་གདགས་སོ༔ ཉེས་པ་ཐམས་ཅད་སྲུང་བའི་རུས་སྦལ་གསེར་གྱི་འཁོར་ལོ་གདགས་སོ༔ སྲོག་ལ་དགྲ་དར་ན་འབྱུང་བ་ལྔའི་འཁོར་ལོ་གདགས༔ ཆུའི་འཁོར་ལོ་སྟག་ཡོས་ལོ་པ་ལ་གདགས༔ ཤིང་གི་འཁོར་ལོ་རྟ་སྦྲུལ་ལོ་པ་ལ་གདགས༔ མེའི་འཁོར་ལོ་གཤེད་བཞི་ལོ་པ་ལ་གདགས༔ སའི་འཁོར་ལོ་བྱ་སྤྲེལ་
42-35-2a
ལོ་པ་ལ་གདགས༔ ལྕགས་ཀྱི་འཁོར་ལོ་བྱི་ཕག་ལོ་པ་ལ་གདགས་སོ༔ རུས་སྦལ་འཁོར་ལོ་རང་རང་དུས་སུ་གདགས༔ སས་གནོད་ན་རུས་སྦལ་ཤིང་གི་འཁོར་ལོ་གདགས༔ ལྕགས་ཀྱིས་གནོད་ན་རུས་སྦལ་མེའི་འཁོར་ལོ་གདགས༔ མེས་གནོད་ན་རུས་སྦལ་ཆུ་ཡི་འཁོར་ལོ་གདགས༔ ཆུས་གནོད་ན་རུས་སྦལ་སའི་འཁོར་ལོ་གདགས༔ ཤིང་གིས་གནོད་ན་རུས་སྦལ་ལྕགས་ཀྱི་འཁོར་ལོ་གདགས་སོ༔ ཡང་སྲོག་ལུས་དབང་ཐང་ཀླུང་རྟ་བཞི་ལ༔ ཤིང་དགྲ་ལངས་ན་ལྕགས་དྲུག་གི་འཁོར་ལོ་གདགས༔ མེ་དགྲ་ལངས་ན་ཆུ་དྲུག་གི་འཁོར་ལོ་གདགས༔ ས་དགྲ་ལངས་ན་ཤིང་དྲུག་གི་འཁོར་ལོ་གདགས༔ ལྕགས་དགྲ་ལངས་ན་མེ་དྲུག་གི་འཁོར་ལོ་གདགས༔ ཆུ་དགྲ་ལངས་ན་ས་དྲུག་གི་འཁོར་ལོ་གདགས་སོ༔ སྲོག་ལ་དགྲ་དར་ན་རྒྱ་གྲམ་གྱི་འཁོར་ལོ་གདགས༔ ལུས་
42-35-2b
ལ་དགྲ་དར་ན་རྩིབས་བརྒྱད་ཀྱི་འཁོར་ལོ་གདགས༔ དབང་ཐང་ལ་དགྲ་དར་ན་གཡུང་དྲུང་གི་འཁོར་ལོ་གདགས༔ ཀླུང་རྟ་ལ་དགྲ་དར་ན་འདབ་བཞིའི་འཁོར་ལོ་གདགས་སོ༔ ཤིང་གཉན་གཅོད་ན་སྟ་རེ་མེའི་འཁོར་ལོ་གདགས༔ མེ་གཉན་གཏོང་ན་ཆུ་རིས་སའི་འཁོར་ལོ་གདགས༔ ས་གཉན་བརྐོ་ན་ཕུར་པ་ལྕགས་ཀྱི་འཁོར་ལོ་གདགས༔ ཆུ་གཉན་སློག་ན་འདབ་བརྒྱད་ཤིང་གི་འཁོར་ལོ་གདགས༔ བྲག་གཉན་བརྐོ་ན་མེ་རི་ཆུའི་འཁོར་ལོ་གདགས་སོ༔ རྒྱལ་པོས་གནོད་ན་རྡོ་རྗེ་རྒྱ་གྲམ་གྱི་འཁོར་ལོ་གདགས༔ ཀླུ་སྲིན་དང་བསེན་མོས་གནོད་ན་འདབ་བརྒྱད་རཾ་གྱི་འཁོར་ལོ་གདགས༔ ས་བདག་གི་གནོད་ན་རྩིབས་བརྒྱད་བཾ་གྱི་འཁོར་ལོ་གདགས༔ ཡ་བདུད་གནོད་ན་རྩིབས་བརྒྱད་ལཾ་གྱི་འཁོར་ལོ་གདགས༔ བཙན་བདུད་གནོད་ན་རྩིབས་བརྒྱད་ཀེཾ་གྱི་འཁོར་ལོ་གདགས་སོ༔ ཤེས་རབ་འཕེལ་བར་འདོད་ན་འཇམ་དཔལ་གྱི་འཁོར་ལོ་གདགས༔ རྩོད་པ་ལ་འགྲན་པར་འདོད་ན་སྤྱན་རས་གཟིགས་ཀྱི་འཁོར་ལོ་གདགས༔ སྟོབས་འགྲན་ན་ཕྱག་ན་རྡོ་རྗེའི་འཁོར་ལོ་གདགས་སོ༔ ཚེ་ཐུང་ན་རྣམ་པར་སྣང་མཛད་གྱི་འཁོར་ལོ་གདགས༔ ནད་མང་ན་རྡོ་རྗེ་སེམས་དཔའི་འཁོར་ལོ་གདགས༔ གོད་ཁ་ཆེ་ན་རིན་ཆེན་འབྱུང་ལྡན་གྱི་འཁོར་ལོ་གདགས༔ མི་ཁ་སྡང་ན་སྣང་བ་མཐའ་ཡས་ཀྱི་འཁོར་ལོ་གདགས༔ ཁ་མཆུ་རྒོད་ན་དོན་ཡོད་གྲུབ་པའི་འཁོར་ལོ་གདགས༔ རྨི་ལམ་ངན་ན་ནམ་མཁའ་དབྱིངས་ཕྱུག་མའི་
42-35-3a
ཙཀྲ་གདགས༔ མཁོན་རྒོད་ན་སངས་རྒྱས་སྤྱན་མའི་ཙཀྲ་གདགས༔ མི་གཙང་བ་སྲུང་ན་མཱ་མ་ཀཱིའི་འཁོར་ལོ་གདགས༔ ཐབ་གཞོབ་སྲུང་ན་གོས་དཀར་མོའི་ཙཀྲ་གདགས༔ ལྟས་ངན་སྲུང་ན་དམ་ཚིག་སྒྲོལ་མའི་ཙཀྲ་གདགས་སོ༔ ལྷ་གདོན་གྱིས་གནོད་ན་ཧཱུྃ་ཀཱ་རའི་འཁོར་ལོ་གདགས༔ དཀོར་འདྲེས་གནོད་ན་རྣམ་པར་རྒྱལ་བའི་ཙཀྲ་གདགས༔ བཙན་གྱིས་གནོད་ན་དབྱུག་པ་སྔོན་པོའི་ཙཀྲ་གདགས༔ བདུད་ཀྱིས་གནོད་ན་གཤིན་རྗེ་གཤེད་ཀྱི་ཙཀྲ་གདགས༔ དམ་སྲིས་གནོད་ན་མི་གཡོ་མགོན་པོའི་ཙཀྲ་གདགས༔ ཀླུས་གནོད་ན་རྟ་མགྲིན་རྒྱལ་པོའི་ཙཀྲ་གདགས༔ ཐེའུ་རང་གནོད་ན་འདོད་པའི་རྒྱལ་པོའི་ཙཀྲ་གདགས༔ ཤི་འདྲེས་གནོད་ན་བདུད་རྩི་འཁྱིལ་བའི་ཙཀྲ་གདགས༔ བདུད་མོས་གནོད་ན་ཁམས་གསུམ་རྣམ་རྒྱལ་གྱི་ཙཀྲ་གདགས༔ ས་བདག་གིས་གནོད་ན་སྟོབས་པོ་ཆེའི་ཙཀྲ་གདགས་སོ༔ སྟོན་མོ་བྱེད་ན་དབང་ཐང་འཕན་དར་གྱི་འཁོར་ལོ་གདགས༔ དུར་འདེབས་ན་ལུས་འཕན་དར་གྱི་འཁོར་ལོ་གདགས༔ མཁར་ལས་བྱེད་ན་སྲོག་འཕན་དར་གྱི་འཁོར་ལོ་གདགས༔ བལྟས་མོ་བལྟ་ན་ཀླུང་རྟ་འཕན་དར་གྱི་འཁོར་ལོ་གདགས་སོ༔ ཇག་ལ་འགྲོ་ན་གཟའ་བརྒྱད་དམག་དཔོན་གྱི་འཁོར་ལོ་གདགས༔ དམག་ལ་འགྲོ་ན་འབྱུང་བ་དམག་དཔོན་གྱི་ཙཀྲ་གདགས༔ 
42-35-3b
དོན་གཉེར་འགྲོ་ན་རྒྱུ་སྐར་དོན་གྲུབ་ཀྱི་འཁོར་ལོ་གདགས༔ ཚོང་ལ་འགྲོ་ན་བྲེ་སྲང་གྲངས་ཀྱི་འཁོར་ལོ་གདགས་སོ༔ བགེགས་སྲུང་ན་མཚོན་ཆ་མེའི་ཙཀྲ་གདགས༔ མཚམས་བྱེད་ན་སྒོ་མ་བཞིའི་ཙཀྲ་གདགས༔ སྲིའུ་གསོ་ན་ལྷ་མོ་ལྔའི་འཁོར་ལོ་གདགས༔ གཞན་ལ་བྱིན་རླབས་བྱེད་ན་བདེ་གཤེགས་འདུས་པའི་ཙཀྲ་གདགས་སོ༔ ནད་པ་སྲུང་ན་སྤྲེའུའི་ཙཀྲ་གདགས༔ གདོན་སྲུང་ན་བྱའི་ཙཀྲ་གདགས༔ དགྲ་སྲུང་ན་སྟག་གི་ཙཀྲ་གདགས༔ ཚེ་སྲིང་ན་གླང་གི་ཙཀྲ་གདགས༔ ནོར་སྤེལ་ན་ལུག་གི་ཙཀྲ་གདགས༔ བུ་མང་བར་འདོད་ན་ཡོས་བུའི་ཙཀྲ་གདགས༔ མི་ནོར་དབང་དུ་བསྡུ་བར་འདོད་ན་འབྲུག་གི་ཙཀྲ་གདགས༔ ནོར་བསྡུ་བར་འདོད་ན་བྱི་བའི་ཙཀྲ་གདགས༔ ལྷ་འདྲེ་དབང་དུ་སྡུད་ན་རྟའི་ཙཀྲ་གདགས༔ མཐུ་འགྲན་བྱེད་ན་ཁྱིའི་ཙཀྲ་གདགས༔ གཏད་བྱེད་ན་སྦྲུལ་གྱི་ཙཀྲ་གདགས༔ ཐོག་སེར་བསྲུང་ན་ཕག་གི་ཙཀྲ་གདགས༔ ཕྱོགས་ངན་སྲུང་ན་གཤེད་བཞི་ཕཊཿཀྱི་འཁོར་ལོ་གདགས༔ མནའ་བསྐྱལ་དགོས་ན་གཤེད་བཞི་འབྱུང་བའི་འཁོར་ལོ་གདགས༔ ཕུར་ཁ་གནོད་ན་ལྷ་མོ་བཞི་ཕུར་གྱི་འཁོར་ལོ་གདགས༔ བྱད་ཁས་གནོད་ན་རྒྱ་གྲམ་བྷྱོའི་ཙཀྲ་གདགས༔ ཉེས་པ་སྲུང་ན་ཀུན་ཐུབ་རྒྱལ་པོའི་འཁོར་ལོ༔ ཞིང་གཉན་སྲུང་ན་རྩིབས་བརྒྱད་བྲུཾ་གྱི་འཁོར་ལོ་གདགས༔ ཕྲུ་རློག་བྱེད་ན་རྒྱ་གྲམ་རཾ་གྱི་འཁོར་ལོ་གདགས༔ ས་སྲིས་གནོད་ན་
42-35-4a
རྩིབས་བཞི་རཾ་གྱི་འཁོར་ལོ་གདགས་སོ༔ སྲོག་གུད་ན་ཚེ་བྷྲཱུྃ་གྱི་འཁོར་ལོ་གདགས༔ ལུས་གུད་ན་པརྞ་ཤ་བ་རིའི་འཁོར་ལོ་གདགས༔ དབང་ཐང་གུད་ན་ལྷ་མོ་ལྔའི་འཁོར་ལོ་གདགས༔ ཀླུང་རྟ་གུད་ན་གཤེད་བཞི་བྷྱོའི་ཙཀྲ་གདགས་སོ༔ ཡང་སེར་བ་སྲུང་ན་སྡེ་བརྒྱད་ཟློག་པ་སེར་སྲུང་གི་ཙཀྲ་གདགས༔ རི་བོང་ཁ་ཆིངས་ཙཀྲ་རི་བོང་སྲུང་ན་གདགས༔ སྤྱང་ཁུ་ཁ་ཆིངས་སྤྱང་ཀི་སྲུང་ན་གདགས༔ སྐྱུར་འདྲེ་ཁ་ཆིངས་ཞོ་ཆང་སྲུང་ན་གདགས༔ ཕུར་བུ་ཁ་ཆིངས་སྲིས་རྐུན་སྲུང་ན་གདགས་སོ༔ སྐུ་གསུང་ཐུགས་ཡོན་ཏན་ཕྲིན་ལས་ལྔའི་ཙཀྲ་གདགས་སོ༔ ༈ དེ་ལ་ཉེས་པ་ཐམས་ཅད་སྲུང་ན་ཙཀྲ་ལྔ་འདོགས༔ འབྱུང་བ་ལྔའི་ཙཀྲ་ལྔ༔ འབྱུང་བ་དྲུག་གི་ཙཀྲ་དྲུག༔ སྲོག་ལུས་དབང་ཐང་དགྲ་དར་གྱི་ཙཀྲ་བཞི༔ གཉན་པོའི་ལས་བྱེད་ན་འདོགས་པའི་ཙཀྲ་ལྔ༔ རྒྱལ་པོ་ལ་སོགས་པས་གདོན་པར་ཙཀྲ་ལྔ༔ རིགས་ལྔ་ཡབ་ཡུམ་བཅུ༔ ཁྲོ་བོ་བཅུའི་བཅུ༔ འཕན་དར་གྱི་བཞི༔ དམག་ཟློག་པ་ལ་འགྲོ་ན་ལས་བཞིའི་ཙཀྲ་བཞི༔ རྣལ་འབྱོར་གྱི་བཞི༔ ལོའི་ཙཀྲ་བཅུ་གཉིས༔ མཐུ་ཟློག་པའི་ཙཀྲ་ལྔ༔ ས་བདག་ཀླུ་གཉན་འདུལ་བ་ལ་གསུམ༔ ལུས་སྲོག་དབང་ཐང་ཀླུང་རྟ་བཞི༔ རྒུད་པ་བཞི༔ ཁ་ཆིངས་ལྔ༔ སྐུ་གསུང་ཐུགས་ཡོན་ཏན་ཕྲིན་ལས་ཀྱི་ཙཀྲ་དང་བརྒྱ་ཐམ་པ་ཡོད་དོ༔ རྟེན་འབྲེལ་བསང་སྦྱང་གི་གཏོ་ཆོག་བརྒྱ་ཐམ་པ་རྫོགས་སོ༔ ༈ ཐུགས་རྗེ་
42-35-4b
ཆེན་པོ་ལ་ཕྱག་འཚལ་ལོ༔ ཨོ་རྒྱན་པདྨ་བདག་གི་བཀའ༔ རྟེན་འབྲེལ་འདི་རྣམས་གང་བྱེད་ཀྱང་༔ འགྲོ་དོན་བྱང་ཆུབ་སེམས་བསྐྱེད་ནས༔ སྤྱན་རས་གཟིགས་དབང་སྐུར་བསྒོམ་ཞིང་༔ ཨོ་རྒྱན་བདག་ལ་གསོལ་བ་ཐོབས༔ ཡིག་བདུན་མི་ཚིག་བར་མ་ཆོད༔ བརྒྱ་སྟོང་ལ་སོགས་བགྲང་བར་བྱ༔ མོས་གུས་ངེས་ཤེས་ཆེར་བསྐྱེད་ལ༔ ཨོ་རྒྱན་སྤྱི་གཙུག་སྙིང་དཀྱིལ་དུ༔ བསྒོམ་ཞིང་མོས་གུས་གསོལ་བཏབ་ན༔ མི་མཐུན་འགལ་རྐྱེན་བར་ཆད་རྣམས༔ རང་ཞི་རང་གྲོལ་གྱུར་ནས་ནི༔ ལྟས་ངན་གཡང་དུ་ལོན་གྱུར་ནས༔ བཀྲ་ཤིས་ཅི་བསམ་བདེ་ལེགས་འགྲུབ༔ རྐྱེན་ངན་བར་ཆད་གྲོགས་སུ་འགྱུར༔ རྟ་མགྲིན་སྤྱན་རས་གཟིགས་དབང་ཕྱུག༔ གང་མོས་ཡི་དམ་ལྷ་ཡི་སྐུ༔ བདག་ཉིད་བསྐྱེད་རྫོགས་གསལ་གྱུར་ན༔ ལུས་ཀྱི་བར་ཆད་སྲུང་བ་དང་༔ སྣང་སྲིད་ལྷ་སྲིན་སྡེ་བརྒྱད་ཀྱང་༔ གདུག་སེམས་ཞི་ནས་དབང་དུ་འདུས༔ རབ་གནས་བྱས་པའི་འཁོར་ལོ་འདིས༔ སྲུང་བ་པོ་ནི་གང་ཡིན་པ༔ ལུས་ལ་འདོགས་པའི་དུས་སུ་ནི༔ རྟ་མགྲིན་སྤྱན་རས་གཟིགས་དབང་གི༔ སྐུ་ནི་གང་མོས་བསྒོམ་བྱས་ལ༔ ཨོ་རྒྱན་བདག་ལ་གསོལ་བ་ཐོབས༔ ཕྲིན་ལས་གང་སྒྲུབ་བྱེད་དུས་སྩོལ༔ དེ་ལྟར་བྱས་པས་ལས་རྗེས་ལ༔ བར་ཆད་བདུད་ཀྱིས་མི་ཚུགས་ཤིང་༔ སེམས་ཅན་འགྲོ་དོན་སངས་རྒྱས་ཀྱི༔ བསྟན་པའི་ཞབས་
42-35-5a
ཏོག་འགྱུར་བ་དང་༔ རང་གཞན་དོན་གཉིས་འགྲུབ་པར་ངེས༔ ཨོ་རྒྱན་པདྨ་བདག་གི་བཀའ༔ ཡིད་བཞིན་ནོར་བུ་ལྟ་བུ་ཡི༔ འདོད་པ་ཀུན་འབྱུང་གདམས་ངག་འདི༔ སློབ་མ་སྣོད་ལྡན་མ་ལགས་པ༔ སྣོད་མེད་ཀུན་ལ་བྱིན་གྱུར་ན༔ བླ་མའི་བཀའ་རྒྱ་འགལ་གྱུར་པས༔ གཏེར་བདག་ཀུན་གྱིས་ཆད་པ་ཆོད༔ མེ་ཏོག་དབུལ་ཞིང་ཞུ་ཕུལ་ནས༔ དམ་ཚིག་ཚུལ་བཞིན་སྲུང་གྱུར་ན༔ རང་གཞན་དོན་གཉིས་ཕྲིན་ལས་འགྲུབ༔ སྐལ་ལྡན་རྣམས་ཀྱི་དོན་དུ་ཤོག༔ རྟེན་འབྲེལ་འཁོར་ལོ་ཉམས་ལེན་གྱི་མན་ངག་གོ༔ ཨྠྀི་༔ རྒྱ་རྒྱ་རྒྱ༔ རུས་སྦལ་ཕར་ལ་བསྟན༔ ཕན་ཕྱིར་ནོར་བུའི་ཙཀྲ་ཚུར་ལ་བསྟན༔ ཕན་བྱེད་བཟློག་དང་ཞལ་ཤེས་སོ༔
42-35-6a
༄། །གཏིང་རྫོགས་དཔེའུ་རིས།
༼༡༽དང་པོ་ཕན་བྱེད་ལྷ་ཡི་འཁོར་ལོ་འདི་གདགས་པའི་དུས་སུ་རང་ཡི་དམ་བསྒོམ། སྙིང་པོ་གསུམ་གྱི་འཁོར་ལོ་བྱ་བ་ལས་ཀ་གང་བྱེད་པ་ལ་གསོལ་བ་གདག་གོ། ༼ཀ ༼༢༽རུ་སྦལ་གསེར་གྱི་འཁོར་ལོ་འདི་ཉེས་པ་ཐམས་ཅད་སྲུང་ན་གདགས་སོ། །འདིའི་གླང་སོགས་གཟུགས་བྲིའོ།། ༼ཁ ༼༣༽འབྱུང་བ་ཆུ་ཡི་འཁོར་ལོ་འདི་སྟག་ཡོས་ལོ་པའི་སྲོག་ལ་དགྲ་དར་ན་གདགས་སོ། །དཔེ་གཅིག་ལ། ཨོཾ་མ་བཾ་ཆུ་ཁུཾ་མཾ་ཡེར་སྭཱ་ཧཱ༔ སྣང་། ༼ག 
42-35-6b
༈ ༼༤༽འབྱུང་བ་ཤིང་གི་འཁོར་ལོ་འདི་རྟ་སྦྲུལ་ལོ་པའི་སྲོག་ལ་དགྲ་དར་ན་གདགས་སོ།། དཔེ་གཅིག་ལ། ༈ ཡ་རེ་ཡ་སེ་སྣང་། ༼ང ༈ ༼༥༽འབྱུང་བ་མེ་ཡི་འཁོར་ལོ་འདི་གཤེད་བཞི་ལོ་པའི་སྲོག་ལ་དགྲ་དར་ན་གདགས་སོ།། ༼ཅ ༈ ༼༦༽འབྱུང་བ་ས་ཡི་འཁོར་ལོ་འདི་བྱ་སྤྲེལ་ལོ་པའི་སྲོག་ལ་དགྲ་དར་ན་གདགས་སོ།། ༼ཆ 
42-35-7a
༄༅། །འབྱུང་བ་ལྕགས་ཀྱི་འཁོར་ལོ་འདི་བྱི་ཕག་ལོ་པའི་སྲོག་ལ་དགྲ་དར་ན་གདགས་སོ། །འདི་ཡན་འབྱུང་བ་ལྔས་སྲོག་ལ་གང་གནོད་ན་བཏགས། ༼ཇ ༈ རུ་སྦལ་ཤིང་གི་འཁོར་ལོ་འདི་སྟག་ཡོས་ལོ་པ་དག་ལ་བཏགས། ༼ཉ ༈ རུ་སྦལ་མེ་ཡི་འཁོར་ལོ་འདི་རྟ་སྦྲུལ་ལོ་པ་ལ་བཏགས། ༼ཏ 
42-35-7b
༈ རུ་སྦལ་སའི་འཁོར་ལོ་འདི་གཤེད་བཞི་ལོ་པ་ལ་བཏག་གོ། ༼ཐ ༈ རུ་སྦལ་ལྕགས་ཀྱི་འཁོར་ལོ་འདི་བྱ་སྤྲེལ་ལོ་པ་ལ་བཏག་གོ། ༼ད ༈ རུ་སྦལ་ཆུའི་འཁོར་ལོ་འདི་བྱི་ཕག་ལོ་པ་ལ་བཏག་གོ། ༼ན 
42-35-8a
༄༅། །ལྕགས་དྲུག་གི་འཁོར་ལོ་འདི་འབྱུང་བ་ཤིང་གིས་གནོད་ན་བཏག་གོ། ༼པ ༈ ཆུ་དྲུག་གི་འཁོར་ལོ་འདི་འབྱུང་བ་མེས་གནོད་ན་བཏག་གོ། ༼ཕ ༈ ཤིང་དྲུག་གི་འཁོར་ལོ་འདི་འབྱུང་བ་སས་གནོད་ན་བཏག་གོ། ༼བ 
42-35-8b
༈ མེ་དྲུག་གི་འཁོར་ལོ་འདི་འབྱུང་བ་ལྕགས་ཀྱིས་གནོད་ན་གདགས་སོ།། ༼མ ༈ ས་དྲུག་གི་འཁོར་ལོ་འདི་འབྱུང་བ་ཆུས་གནོད་ན་གདགས། འདི་ལྔ་འབྱུང་བ་ལྔས་གནོད་པ་ལས་སྲུང་བའི་འཁོར་ལོ་ལྔའོ།། ༼ཙ ༈ རྡོ་རྗེ་རྒྱ་གྲམ་གྱི་འཁོར་ལོ་འདི་སྲོག་ལ་དགྲ་དར་ན་བཏགས། ཁ་དོག་སྲོག་གི་མ་ལྟར་བྱ། ༼ཚ 
42-35-9a
༄༅། །ཙཀྲ་རྩིབས་བརྒྱད་ཀྱི་འཁོར་ལོ་འདི་ལུས་ལ་དགྲ་དར་ན་བཏག། ༼ཛ ༈ གཡུང་དྲུང་རིས་འཁོར་ལོ་འདི་དབང་ཐང་ལ་དགྲ་དར་ན་བཏག། ཁ་དོག་དབང་ཐང་མ་ལྟར་བྱ། ༼ཝ ༈ པདྨ་དབང་གི་འཁོར་ལོ་འདི་ཀླུང་རྟ་ལ་དགྲ་དར་ན་བཏག། ཁ་དོག་ཀླུང་རྟའི་མ་ལྟར་བྱ། འདི་ཡན་སྲོག་ལུས་དབང་ཐང་ཀླུང་བཞི་ལ་དགྲ་དར་ན་བཏག་པའི་འཁོར་ལོ་བཞིའོ།། ༼ཞ 
42-35-9b
༈ སྟྭ་རེ་མེའི་འཁོར་ལོ་འདི་ཤིང་གཉན་གཅོད་ན་བཏག། ༼ཟ ༈ ཆུ་རིས་ས་ཡི་འཁོར་ལོ་འདི་ཧོམ་དང་རོ་སྲེག་ན་བཏག། ༼འ ༈ ཕུར་པ་ལྕགས་ཀྱི་འཁོར་ལོ་འདི་ས་གཉན་བརྐོ་ན་བཏག། ༼ཡ 
42-35-10a
༄༅། །པདྨ་འདབ་བརྒྱད་ཤིང་གི་འཁོར་ལོ་འདི་རྫིང་དང་ཁྲོན་པ་རྐོ་ན་བཏག། ༼ར ༈ མེ་རི་ཆུའི་འཁོར་ལོ་འདི་བྲག་གཉན་བཤིག་ན་བཏག། འདི་ཡན་ཆད་ལས་གང་བྱེད་སྲུང་བའི་འཁོར་ལོ་ལྔའོ།། ༼ལ ༈ རྡོ་རྗེ་རྒྱ་གྲམ་འཁོར་ལོ་འདི་རྒྱལ་པོས་གནོད་ན་བཏག། ལོ་སྐོར་ཁ་དོག་ཚོན།༼ཤ 
42-35-10b
༈ འདབ་བརྒྱད་རྃ་གྱི་འཁོར་ལོ་འདི་ཀླུ་སྲིན་བསེན་མོས་གནོད་ན་བཏག། ༼ས ༈ རྩིབས་བརྒྱད་བྃ་གྱི་འཁོར་ལོ་འདི་ས་བདག་ཀླུ་གཉན་གནོད་ན་བཏག། ༼ཧ ༈ རྩིབས་བརྒྱད་ལྃ་གྱི་འཁོར་ལོ་འདི་མ་བདུད་ཀྱིས་གནོད་ན་བཏག། ༼ཨ 
42-35-11a
༄༅། །རྩིབས་བརྒྱད་ཀེཾ་གྱི་འཁོར་ལོ་འདི་བཙན་བདུད་ཀྱིས་གནོད་ན་བཏག། ༼ ཀེ ༈ ཤེས་རབ་འཕེལ་བར་འདོད་ན་འཇམ་དཔལ་གྱི་ཙཀྲ་བཏག། ༼ ཁེ ༈ རྩོད་པ་ལས་རྒྱལ་བར་འདོད་ན་སྤྱན་རས་གཟིགས་ཀྱི་འཁོར་ལོ་བཏག། ༈ དཔེ་གཅིག་ལ། ཏདྱ་ཐཱ། ཨོཾ་མ་ནི་གིརྟི་མ་ནི་ཝཱ་ཀ་ སེང་སྭཱ་ཧཱ། སྣང་། ༼ གེ 
42-35-11b
༈ གཞན་དང་སྟོབས་འགྲན་ན་ཕྱག་ན་རྡོ་རྗེའི་འཁོར་ལོ་གདགས། ༼ ངེ ༈ རིགས་རྒྱུད་དང་མི་ཕྱུགས་ཚེ་ཐུང་ན་རྣམ་པར་སྣང་མཛད་ཀྱི་འཁོར་ལོ་བཏག། ༼ ཅེ ༈ རྡོ་རྗེ་སེམས་དཔའི་འཁོར་ལོ་འདི་རྟག་ཏུ་ནད་མང་ན་བཏག། ༼ཆེ 
42-35-12a
༄༅། །རིན་ཆེན་འབྱུང་ལྡན་གྱི་འཁོར་ལོ་འདི་རྟག་ཏུ་ནོར་གོད་ན་བཏག། ༼ ཇེ ༈ སྣང་བ་མཐའ་ཡས་ཀྱི་འཁོར་ལོ་འདི་རྟག་ཏུ་མི་ཁ་འདུ་ན་བཏག། ༼ ཉེ ༈ དོན་ཡོད་གྲུབ་པའི་འཁོར་ལོ་འདི་དགྲ་དང་ཁ་མཆུ་རྒོད་ན་བཏག། ༼ ཏེ 
42-35-12b
༈ རྨི་ལམ་ངན་ན་ནམ་མཁའ་དབྱིངས་ཕྱུག་གི་འཁོར་ལོ་བཏག་གོ། ༼ ཐེ ༈ སངས་རྒྱས་སྤྱན་མའི་འཁོར་ལོ་འདི་མཁོན་དང་ཐབ་ཤོར་ན་བཏག། ༼ དེ ༈ མཱ་མ་ཀཱིའི་འཁོར་ལོ་འདི་འདི་མི་གཙང་བ་སྲུང་ན་བཏག། ༼ ནེ 
42-35-13a
༄༅། །གོས་དཀར་མོའི་འཁོར་ལོ་འདི་ཐབ་གཞོབ་སྲུང་ན་བཏག། པེ ༈ དམ་ཚིག་སྒྲོལ་མའི་འཁོར་ལོ་འདི་ལྟས་ངན་བྱུང་ན་བཏག། ༼ ཕེ ༈ ཁྲོ་བོ་ཧཱུྃ་ཀཱ་རའི་འཁོར་ལོ་འདི་ལྷའི་གདོན་གྱིས་གནོད་ན་བཏག། ༼ བེ 
42-35-13b
༈ རྣམ་པར་རྒྱལ་བའི་འཁོར་ལོ་འདི་དཀོར་འདྲེས་གནོད་ན་བཏག། ༼ མེ ༈ དབྱུག་པ་སྔོན་པོའི་འཁོར་ལོ་འདི་བཙན་གྱིས་གནོད་ན་བཏག། ༼ ཙེ ༈ གཤིན་རྗེའི་འཁོར་ལོ་འདི་བདུད་ཀྱིས་གནོད་ན་བཏག། ༼ཚེ 
42-35-14a
༄༅། །མི་གཡོ་མགོན་པོའི་འཁོར་ལོ་འདི་དམ་སྲིས་གནོད་ན་བཏག། ༼ ཛེ ༈ རྟ་མགྲིན་རྒྱལ་པོའི་འཁོར་ལོ་འདི་ཀླུས་གནོད་ན་བཏག་གོ།༼ཝེ ༈ འདོད་པའི་རྒྱལ་པོའི་འཁོར་ལོ་འདི་ཐེའུ་རང་གིས་གནོད་ན་བཏག་གོ། ༼ ཞེ 
42-35-14b
༈ བདུད་རྩི་འཁྱིལ་བའི་འཁོར་ལོ་འདི་ཤི་འདྲེས་གནོད་ན་གདགས་སོ།། ༼ ཟེ ༈ ཁམས་གསུམ་རྣམ་པར་རྒྱལ་བའི་འཁོར་ལོ་འདི་བདུད་མོས་གནོད་ན་བཏག་གོ། ༼ འེ ༈ སྟོབས་པོ་ཆེའི་འཁོར་ལོ་འདི་ས་བདག་གིས་གནོད་ན་བཏག་གོ། ༼ཡེ 
42-35-15a
༄༅། །དབང་ཐང་འཕན་དར་འཁོར་ལོ་འདི་སྟོན་མོ་བྱེད་ན་བཏག་གོ། ༼ རེ ༈ ལུས་འཕན་དར་གྱི་འཁོར་ལོ་འདི་དུར་འདེབས་ན་བཏག་གོ། ༼ ལེ ༈ སྲོག་འཕན་དར་གྱི་འཁོར་ལོ་འདི་མཁར་ལས་བྱེད་ན་བཏག་གོ། ༼ ཤེ 
42-35-15b
༈ ཀླུང་རྟ་འཕན་དར་གྱི་འཁོར་ལོ་འདི་ལྟད་མོ་བལྟ་བ་ལ་འགྲོ་ན་བཏག་གོ། ༼ སེ ༈ གཟའ་བརྒྱད་ཟློག་པའི་འཁོར་ལོ་འདི་ཇག་ལ་འགྲོ་ན་བཏག་གོ། ༼ ཧེ ༈ འབྱུང་བ་དམག་དཔོན་གྱི་འཁོར་ལོ་འདི་དམག་ལ་འགྲོ་ན་བཏག། ༼ ཨེ 
42-35-16a
འགྲུབ་པར་གྱུར་ཅིག་༄༅། །རྒྱུ་སྐར་དོན་གྲུབ་ཀྱི་འཁོར་ལོ་འདི་དོན་གཉེར་འགྲོ་ན་བཏག། ༼ ཀི ༈ བྲེ་སྲང་གི་འཁོར་ལོ་འདི་ཚོང་ལ་འགྲོ་ན་བཏག་གོ། ༼ ཁི ༈ མཚོན་ཆ་མེའི་འཁོར་ལོ་འདི་མཚམས་བགེགས་སྲུང་ན་བཏག་གོ། ༼ གི 
42-35-16b
༈ སྒོ་མ་བཞིའི་འཁོར་ལོ་འདི་མཚམས་བྱེད་ན་བཏག་གོ། ཕྱོགས་བཞིར་དེས་རིགས་འགྲེའོ། །༼ ངི ༈ སྲིད་པའི་ལྷ་མོ་ལྔའི་འཁོར་ལོ་འདི་སྲིའུ་གསོ་ན་བཏག། ༼ ཅི ༈ བདེ་གཤེགས་འདུས་པའི་འཁོར་ལོ་འདི་གཞན་ལ་བྱིན་རླབས་བྱེད་ན་བཏག། ༼ ཆི 
42-35-17a
༼ ཇི ༈ རིམས་བསྲུང་ན་སྤྲེའུའི་ཙཀྲ་བཏག་གོ། ༼ ཉི ༈ གདོན་སྲུང་ན་བྱའི་ཙཀྲ་བཏག་གོ། ༼ ཏི ༈ དགྲ་ཡིས་འཇིགས་ན་སྟག་གི་ཙཀྲ་བཏག་གོ།
42-35-17b
༼ ཐི ༈ ཚེ་རིང་བར་འདོད་ན་གླང་གི་ཙཀྲ་བཏག་གོ། ༼ དི ༈ ནོར་འཕེལ་བར་འདོད་ན་ལུག་གི་ཙཀྲ་བཏག་གོ། ༼ནི ༈ བུ་མང་བར་འདོད་ན་ཡོས་བུའི་ཙཀྲ་བཏག་གོ།
42-35-18a
༼ པི ༈ མི་ནོར་དབང་དུ་བསྡུ་ན་འབྲུག་གི་ཙཀྲ་བཏག་གོ། ༼ ཕི ༈ མི་ནོར་དབང་དུ་སྡུད་ན་བྱི་བའི་ཙཀྲ་བཏག་གོ། ༼ བི ༈ ལྷ་འདྲེ་དབང་དུ་སྡུད་ན་རྟའི་ཙཀྲ་བཏག་གོ།
42-35-18b
༼ མི ༈ མཐུ་བྱེད་ན་ཁྱིའི་ཙཀྲ་བཏག་གོ། ༼ ཙི ༈ ཀླུ་གཏད་བྱེད་ན་སྦྲུལ་གྱི་འཁོར་ལོ་བཏག། ༼ ཚི ༈ ཐོག་སེར་སྲུང་ན་ཕག་གི་ཙཀྲ་བཏག། 
42-35-19a
༄༅། །གཤེད་བཞི་ཕཊཿཀྱི་འཁོར་ལོ་འདི་ཕྱོགས་ངན་དུ་འགྲོ་ན་བཏག། ༼ ཛི ༈ གཤེད་བཞི་འབྱུང་བའི་འཁོར་ལོ་འདི་མནའ་གཉན་བསྐྱལ་ན་བཏག། ༼ ཝི ༈ ལྷ་མོ་བཞི་ཕུར་པའི་ཙཀྲ་ཕུར་ཁ་ཟློག་ན་བཏག། ༼ ཞི 
42-35-19b
༈ རྩིབས་བརྒྱད་བྲུཾ་གྱི་འཁོར་ལོ་འདི་ཞིང་གི་གཉན་ས་རྐོ་ན་བཏག། ༼ ཟི ༈ ཀུན་ཐུབ་རྒྱལ་པོ་ཡིན་ནོ་འཁོར་ལོ་འདི་ཀུན་ལ་ཕན་ཕྱིར་གང་འདོད་ན་བཏག་གོ། ༼ འི ༈ རྒྱ་གྲམ་བྷྱོའི་ཙཀྲ་འདི་བྱད་ཁ་ཟློག་ན་བཏགས་སོ།། ༼ ཡི 
42-35-20a
༄༅། །རྒྱ་གྲམ་རྃ་གྱི་འཁོར་ལོ་འདི་མཐུ་ཟློག་བྱེད་ན་བཏག། ༼རི ༈ རྩིབས་བཞི་རྃ་གྱི་འཁོར་ལོ་འདི་ས་བདག་ཀླུ་གཉན་གྱིས་གནོད་ན་བཏག། ༼ ལི ༈ ཚེ་བྷྲཱུྃ་གྱི་འཁོར་ལོ་འདི་སྲོག་རྒུད་ན་བཏག། ༼ ཤི 
42-35-20b
༈ པརྞ་ཤ་བ་རིའི་འཁོར་ལོ་འདི་ལུས་རྒུད་ན་བཏག། ༼སི ༈ ལྷ་མོ་ལྔའི་འཁོར་ལོ་འདི་དབང་ཐང་རྒུད་ན་བཏག། ༼ ཧི ༈ གཤེད་བཞི་བྷྱོའི་འཁོར་ལོ་འདི་ཀླུང་རྟ་རྒུད་ན་བཏག། ༼ ཨི 
42-35-21a
༄༅། །ཤིང་བྱང་གླང་མ་ལ་འཁོར་ལོ་འདི་བྲིས་ལ་མར་ཁུས་བྱུག་གནམ་ལ་ཁ་བསྟན་སེར་བ་སྲུང་བར་ཐེ་ཚོམ་མེད།༼ ཀོ ༈ འདི་ཞིང་ཁར་དོང་བྲུས་ལ་འཁོར་ལོ་རབ་གནས་བྱས་ལ་སྦའོ། །ཞིང་ལ་གནོད་བྱེད་གང་ཡང་སྲུང་ན་འདི་གདགས། ༼ ཁོ ༈ སྤྱང་ཀིའི་ཁ་ཆིངས་འཁོར་ལོ་འདི་རྟ་ནོར་སྤྱང་ཀི་ལ་སྐྲག་པའི་མགུལ་དུ་བཏགས་ན་ཐེ་ཚོམ་མེད། ༼ གོ 
42-35-21b
༈ འདི་ཞོ་ཆང་གང་བསྲུང་ན་དེའི་འོག་ཏུ་སྦའོ། །བདུང་བག་མེད་བྱས་ན་བཟང་ངོ་།། ༼ ངོ ༈ འདི་གདན་འོག་ཏུ་གནོན། སྲིས་རྐུན་མནན་པའི་འཁོར་ལོ་འདི་གང་གི་ཞབས་སུ་མནན་པ་དེ་ལ་ཐུབ་ངེས་སོ།། ༼ཅོ ༈ སྐུའི་འཁོར་ལོ་བརྟན་པའི་རི་བོ་འདྲ་བས་སྤྱི་བོའི་གཙུག་ཏུ་གདགས་ན་ཕྱོགས་ངན་ཐམས་ཅད་ཐུབ། ༼ ཆོ 
42-35-22a
༈ གསུང་གི་འཁོར་ལོ་བྲག་ཅ་སྒྲ་སྙན་ལྟ་བུ་འདྲ་ལ་མགུལ་དུ་བཏགས་ན་མནའི་ཉེས་པ་འཇོམས་སོ།། ༼ ཇོ ༈ ཐུགས་ཀྱི་ཙཀྲ་བརྗོད་ན་ནམ་མཁའ་འདྲ་བས་ལུས་ལ་ཐོགས་པས་མཐུ་དང་རྦོད་གཏོང་ཟློག།༼ ཉོ ༈ སྐུའི་འཁོར་ལོ་འགྱུར་མེད་ལྷུན་པོ་འདྲ་བས་ཕྱོགས་ངན་ཟློག་པར་ཐེ་ཚོམ་མེད། ༼ཏོ 
42-35-22b
༈ སྐུའི་འཁོར་ལོ་སྨན་གྱི་སྡོང་པོ་འདྲ་བས་རིམས་ཡམས་སྲུང་བར་ཐེ་ཚོམ་མེད། ༼ཐོ ༈ ཡོན་ཏན་གྱི་འཁོར་ལོ་སྐུ་མཁར་བཙན་པོ་དང་འདྲ་བ་གཞན་གྱི་མཚོན་བསྲུང་བར་གདོན་མི་ཟའོ།། ༼ དོ ༈ ཕྲིན་ལས་ཀྱི་འཁོར་ལོ་གོ་ཆ་དང་འདྲ་བས་འཁྲུགས་པ་འགྲོ་ན་མཚོན་གྱི་གདུག་པ་ཞིའོ། །སརྦ་མངྒ་ལཾ། ༼ནོ 
42-35-23a
༁ྃ༔ ཨེ་མ་ཧོ༔ དྲི་མེད་ཆོས་ཀྱི་ཚུལ་འདི་རྒྱ་ཆེ་ཞིང་༔ ཁྱད་པར་བསྲུང་བའི་ཐབས་ལ་གྲངས་མང་ཡང་༔ པདྨའི་རྒྱལ་པོས་ཀུན་ནས་བསྡུས་པ་ཡི༔ འདི་ནི་སྲུང་འཁོར་རྒྱལ་པོ་གཏེར་མ་འོ༔ འདི་བས་ལྷག་པ་ལོག་ན་མེད༔ དེ་ལ་འཁོར་ལོ་རྒྱལ་པོའི་རྣམ་གྲངས་ལ༔ སྙིང་པོ་གསུམ་གྱི་འཁོར་ལོ༔ རུས་སྦལ་གསེར་གྱི་འཁོར་ལོ༔ འབྱུང་བ་ལྔ༔ རུས་སྦལ་ལྔ༔ དྲུག་ཚན་ལྔ༔ དགྲ་དར་བ་སྲུང་བ་བཞི༔ གཉན་པོའི་ལས་བྱེད་ལྔ༔ གདོན་བགེགས་སྲུང་བ་ལྔ༔ རིགས་གསུམ་མགོན་པོའི་གསུམ༔ རིགས་ལྔ་ཡབ་ཡུམ་བཅུ༔ ཁྲོ་བོ་བཅུའི་བཅུ༔ འཕན་དར་བཞི༔ འགྲོ་བ་ལས་བྱེད་བཞི༔ རྣལ་འབྱོར་དོན་དགོངས་བཞི༔ ལོ་བཅུ་གཉིས༔ ཉེས་པ་སྲུང་བ་བཞི༔ གནོད་པ་ཟློག་པ་བཞི༔ རྒུད་པ་སྲུང་བ་བཞི༔ ཁ་ཆིངས་ལྔ༔ སྐུ་གསུང་ཐུགས་ཡོན་ཏན་ཕྲིན་ལས་སྟེ་བརྒྱ་ཐམ་པ་བཞུགས་སོ༔ ༁ྃ༔ འཁོར་ལོའི་རྒྱལ་པོ་འདི་རྣམས་དཔེའུ་ཆུང་ཁོ་ན་བཞིན་དུ་བྲིས་ལ་རབ་གནས་སྤྱི་དང་མཐུན་པ་བཞིན་དུ་བྱས་ལ་འཆང་བས༔ ལུས་སམ་མགུལ་དུ་བཏགས་ན་གོང་དུ་བཤད་པ་ལྟར༔ ཉེས་པ་དེ་དག་གང་གིས་མི་ཚུགས་པར་འགྱུར་ཞིང་༔ བསྲུང་བའི་མཆོག་ཏུ་འགྱུར་རོ༔ ཤིན་ཏུ་བཀྲ་ཤིས་པར་འགྱུར་རོ༔ འཁོར་ལོ་གཏིང་རྫོགས་གཏེར་མ་འདི༔ ཕལ་དང་ཐུན་མོང་མ་ཡིན་ནོ༔ སྨོན་ལམ་དག་པས་བདག་དང་འཕྲད༔ སེམས་ཅན་རྣམས་ལ་ཕན་པར་ཤོག༔ 
42-35-23b
གཏེར་སྟོན་ཆེན་པོ་སྣ་ནམ་འབྲོག་པ་ཐུབ་རྒྱལ་གྱིས་བསམ་ཡས་མཆོད་རྟེན་དམར་པོ་ནས་སྤྱན་དྲངས་པ་གཙུག་ལག་རྒྱའི་གཏོ་བཅོས་འཁོར་ལོ་རྒྱ་ནག་གཏིང་རྫོགས་སུ་གྲགས་པ་འཁོར་ལོ་བརྒྱ་དང་གཉིས་པ་རྒྱབ་ཡིག་དང་བཅས་པ་དག་པར་བཀོད་པ་རྫོགས་སོ། །ས་མ་ཡ༔ རྒྱ་རྒྱ་རྒྱ༔ ཤུ་བྷཾ། མངྒ་ལཾ།། །། ༁ྃ༔ སྤྱིའི་རྫས་ནི། རུས་སྦལ་ག །ས་སྣ་ལྔ།་གནས་སོགས་ས་སྣ་ལྔ། མེ་སྣ་ལྔ།་མི་རུས་རིགས་མི་གཅིག་ལྔའི་མེ་སོལ། ཆུ་སྣ་ལྔ།་ལུ་མ་རྒྱ་མཚོ་ཆུ་བྲན་ལྟེང་ཀ་འབབ་ཆུ། ལྕགས་སྣ་ལྔ།་གསེར་དངུལ་ཟངས་ལྕགས་གནམ་ལྕགས། ཤིང་སྣ་ལྔ།་ཤུག་པ་ལྕང་མ་བསམ་པ་སྟག་མ་ཝོ་སེ། བཟང་པོ་དྲུག །དར་ཚོན་སྣ་ལྔ་དགོས་གསུངས་པ་ཞལ་ཤེས་ཡིག་ཆུང་དུ་བཀོད་པའོ།། །།


